پر بازدید ها
ساعت

مطالب مشابه

One Comment

  1. 1

    عباداله ذوالقرنی

    چند نسخه از مکالمه های شبیه خوانی شهادت حضرت قاسم
    جمعه, ۲۵ اردیبهشت۱۳۹۵، ۰۱:۴۸ ب.ظ

    .
    مکالمه ی امام حسین (ع)
    کربلا ملکینه لشکر یغلوب واویلا
    مجلس کافره کافر یغلوب واویلا
    قانلی شهپر لرینی قانیله رنگین ائلین
    قانلی نعش ئوسته کبوتر یغلوب واویلا
    فاطمه زینبینون قوللارینی باغلاماغا
    نچه مین لشکر کافر یغلوب واویلا
    …………………………………………………
    گل ای گوزوم ایشیقی نو گل وفا قاسم
    غمین اولما عمون دور سنه آتا قاسم
    ضیاء مردمک دیده ی جناب بتول
    دئمه بوسوزلری جانا منی سن ائتمه ملول
    حسن یرینده بو گون جسم ایچینده جانیمسن
    منه به جای علی اکبر جوانیمسن
    ………………………………………………….
    قربان بو خط ومهریه ن ایا شاه ممتحن
    ای زهریله جگرلرینی قی ائدن حسن
    یاخجی وصیت ایلموسن نور هردو عین
    کرب وبلاده دشمن ا لینده قالار حسین
    بله وصیت ایلموسن شاه ممتحن
    که شهزاده قاسمه اذن وئرم اذن جنگ من
    …………………………………………….
    مکالمه ی شمر ملعون
    کربلا دشتینه اعدا یغلوب واویلا
    کوفه نون لشکری یکجا یغلوب واویلا
    عاشر ماه محرم ده منای عشقه
    عید اضحی شب یلدا یغلوب واویلا
    اقتدا ایلمگه ابن زیاد کفره
    مسجده اهل مصفا یغلوب واویلا
    یا حسین ایله گنن ایندی یزیده بیعت
    قتلیون حکمی مهیا یغلوب واویلا
    قاسم ابن حسنی یوللا گله میدانه
    یاسی دوتماقه ثریا یغلوب واویلا
    ………………………………………………………..
    طویون ای شاه خوش افسانه مبارک اولسون
    طوی آراسیندا عزاخانه مبارک اولسون
    انعم الله حسین وئردی بیزه شیرینی
    ائوین آباد بو احسانه مبارک اولسون
    دیوری شمر دغا قاسم والا گهرون
    قدینه خلعت شاهانه مبارک اولسون
    ……………………………………………….
    مکالمه ی حضرت قاسم(ع)
    مادرم ام المصیبت مرحبا
    آفتاب برج عصمت مرحبا
    توکمه گوزدن برگ نصرینه گلاب
    آغلاماق وقتی دگول ای دلکباب
    گلشن عیشین پوزولسون ای آنا
    قاسم آدلی اوغلون اولسون ای آنا
    لاله تک داغ اوسته سینه داغلاما
    دی نولوبدور چوخ منیم چون آغلاما
    …………………………………………………..
    جواب وئر منه ای گل لری سولان عموجان
    جواب وئر منه ای اکبری ئولن عمو جان
    مگریتیم اولانون هیچ سلامون آلمازلار
    سویوخ باخاللار یوزونه جواب وئر مزلر
    رضای الله ایچون گل منیم سلامیمی آل
    یتیم بی پدرم قوللاریوی بوینوما سال
    ………………………………………………
    قالمیوب قاسم بیچاره ده طاقت عموجان
    لطف ائله باشیمه قوی تاج کرامت عموجان
    نیزه ی ابن انس خنجر شمر کافر
    منتظردور منه بو قوم ضلالت عموجان
    …………………………………………………
    اذن وئر کرب وبلا ایچره توکولسون قانیم
    روز محشرده ائدوم خلقه شفاعت عموجان
    قوزی قربانلیقیام قانیم ئوز قانیوه قات
    چکمیوم محشر کبراده خجالت عموجان
    ………………………………………………..
    مکالمه ی حضرت زینب (س)
    زیبون قلبینه غملر یغلوب واویلا
    خیمه لر دورینه لشکر یغلوب واوبلا
    حجله ی قاسم داماده مبارک باده
    بش اولوالعزم پیمبر یغلوب واویلا
    تعزیه مجلسینه آغلاماقا زعفریله
    جنیان لشکری یکسر یغلوب واویلا
    ………………………………………….
    دونوبدی گلشن باغی خزانه قارداشیمون
    ئوزوب الینی اوغولدان زمانه قارداشیمون
    چکوب کناره بلبل کیمی بو نو گلینی
    عمو آلوب الینه قارداش اوغلونون الینی
    آدون فداسی حسین جان نه واردی حال وخبر
    آماندی توکمه گنن منیم باشیمه کول لر
    ………………………………………………
    خدایارحم قیل من دلکبابه
    بوسوزدن دوشدی قلبیم اضطرابه
    گلور غم عطری بو طویدادماغه
    بویورما بو سیوزی بو سینه داغه
    ………………………………………..
    مکالمه ی ازرق ملعون
    مین آتلی نون برابریم من ایا امیر
    گورمم ئوزومه دایره ی چرخ ده نظیر
    بو طفل نورسیده د گول نارسیده دور
    خاری گورونجه بلبل طبعیم چکر صفیر
    بو نارسیده طفلون اگر جنگینه گئدم
    شام اهلی کوفه اهلی دوتاللار منی حقیر
    بیر کج باخام یوزونه دونر سویا زهره سی
    بیر سیلیه دوام گتورمز اودلپذیر
    ……………………………………………..
    نه وحشت دور سالوبسان لشکر کفاره ای قاسم
    وروبسان سینه ی پر کینه مه دورد یاره ای قاسم
    نه جرات دور اشاقلیقدا بئله بیداد گورستدون
    داخی سن تاپانمازسان ازرق الیمدن چاره ای قاسم
    التماس دعا

نظرات بسته شده اند

Designed by ** »» musavi «« ** © Copyright 2016, All Rights Reserved